МАЪЛУМОТ ДАР БОРАИ КОРФАРМО:
Ассотсиатсияи “Ҳамкории боздошти сил дар Тоҷикистон” (ҲБСТ) 30 июли соли 2014 аз ҷониби 76 нафар шахсони гирифтори бемории сил, шахсони аз сил осебдида, наздикони онҳо ва намояндагони ташкилотҳои дар самти муборизаҳои зиддисилӣ фаъолияткунанда, инчунин намояндагони ВАО аз тамоми минтақаҳои Тоҷикистон ҳамчун як платформа барои саҳмгузорӣ дар пешгирии паҳншавии бемории сил дар кишвар ва таъмини нигоҳубин ва дастгирӣ ба шахсон ва оилаҳои аз сил осебдида, таъсис дода шудааст.
Ассотсиатсияи “Ҳамкории боздошти сил дар Тоҷикистон” аз 10 апрели соли 2018 дар Вазорати адлияи Ҷумҳурии Тоҷикистон ҳамчун Ташкилоти ҷамъиятӣ сабтином шудааст.

Муҳтарам корҷӯён,
Ассотсиатсияи “Ҳамкории боздошти сил дар Тоҷикистон” (ҲБСТ) барои ишғоли вазифаи холии зерин озмун эълон мекунад:
НОМИ ВАЗИФА:
Мутахассиси логистика ва харид (Logistic & Procurement Specialist)
МАКОНИ КОР:
ш. Душанбе, Тоҷикистон
НАМУДИ ШАРТНОМА:
Шартномаи меҳнатӣ ба муҳлати 8 моҳ бо имкони тамдид
МУҲЛАТИ НИҲОИИ ҚАБУЛ:
20 феврали соли 2026
ВАЗИФАҲО
 Идоракунии банақшагирӣ ва фаъолияти логистика дар ҳамаи чорабиниҳо ва вохӯриҳои ҲБСТ;
 Назорат намудани равандҳо ва гузаронидани таҳқиқоти соҳавӣ барои ҷорӣ намудани таҷрибаҳои беҳтарин ва имкониятҳои баланд бардоштани самаранокӣ бо мақсади кам намудани хароҷоти чорабиниҳо;
 Таҳияи Нақшаи солонаи хариди ҲБСТ ва таъмини иҷрои он;
 Амалӣ намудани харидҳо мутобиқи Дастур ва сиёсатҳои амалкунандаи ҲБСТ;
 Таъмини саривақтии расонидани молу хизматрасониҳо ва нигоҳдории пурраи ҳуҷҷатгузории харид;
 Ташкили интиқол ва расонидани молҳо, ҳамоҳангсозии барасмиятдарории гумрукӣ ва дигар ҳамоҳангсозиҳо ҳангоми зарурат;
 Нигоҳдории феҳристи захираҳо, сабтҳои анбор ва таъмин намудани нишонагузорӣ ва нигоҳдории дуруст;
 Омода намудани ҳисоботҳои мунтазами хариду логистика ва таъминии санҷишгарон бо ҳуҷҷатҳои зарурӣ.

ТАЛАБОТ НИСБАТ БА ДОВТАЛАБ
 Таҷрибаи корӣ беш аз 2 сола дар соҳаи дахлдор;
 Маҳорати хуби таҳлилӣ;
 Истифодаи самараноки вақти ҷудогардида;
 Ахлоқи баланди касбӣ ва қобилияти кор бо маълумот;
 Маълумоти олии касбӣ дар соҳаи дахлдор;
 Маҳорати хуби ҳуҷҷатгузорӣ ва муошират;
 Дониши хуби забонҳои тоҷикӣ, англисӣ ва русӣ;
 Қобилияти кор дар гурӯҳ ва инчунин фаъолияти мустақилона.
ТАРТИБИ ҲУҶҶАТСУПОРӢ
Довталабон метавонанд то 20 феврали соли 2026 соати 17:00 ҳуҷҷатҳои худро, бо коронома (CV), тавассути почтаи электронӣ ба суроғаи hr.admin@stoptb.tj ё дар лифофа ба дафтари мо дар суроғаи зерин пешниҳод намоянд:
ш. Душанбе, кӯчаи Фирдавсӣ 70/1, маҳаллаи 61, индекси 734061
Аризаҳо то соати 17:00, 20 феврали соли 2026 қабул карда мешаванд.
Танҳо номзадҳои интихобшуда барои мусоҳиба даъват карда мешаванд.