ҚАБУЛ БА ДОКТОРАНТУРА PhD
Муассисаи давлатии “Институти илмӣ-таҳқиқотии сайёҳӣ ва соҳибкорӣ”-и “Донишгоҳи байналмилалии сайёҳӣ ва соҳибкории Тоҷикистон"озмуни қабул ба докторантураи доктори фалсафа (PhD) - доктор аз рӯйи ихтисосро барои соли таҳсили 2025-2026 аз рӯйи ихтисосҳои зерин дар шуъбаҳои рӯзона ва ғоибона (фосилавӣ) эълон менамояд:

№ Рамзи ихтисос Ихтисос

1 6D050700 (D050702) Менеҷмент (Иқтисодиёти соҳаи сайёҳӣ)
2 6D050700 (D050701) Менеҷмент (Менеҷмент)
3 6D051100 (6D051101) Маркетинг (Маркетинг)
4 6D051700 (6D051701) Менеҷменти инноватсионӣ (Идоракунии инноватсияҳо ва рақамикунонии равандҳои иҷтимоию-иқтисодӣ)
5 6D052000 (6D052002) Бизнес-маъмуриятчигӣ (Иқтисодиёти соҳибкорӣ)
6 6D050600 (D050612) Иқтисодиёт (Савдо, хизматрасониҳои тиҷоратӣ ва маишӣ)
7 6D050600 (6D050601) Иқтисодиёт (Назарияи умумии иқтисодӣ (иқтисоди сиёсӣ)
8 6D050600 (6D050605) Иқтисодиёт (Методҳои математикӣ ва афзорӣ (инструменталӣ) дар иқтисодиёт
9 6D050800 (6D050801) Баҳисобгирӣ ва аудит (Баҳисобгирии муҳосибӣ ва аудит)
10 6D050900 (6D050901) Молия (Молия, муомилоти пулӣ ва қарз)
11 6D051300 (6D051301) Иқтисодиёти ҷаҳонӣ (Иқтисодиёти ҷаҳонӣ)
12 6D051000 (6D051003) Идоракунии давлатӣ ва маҳаллӣ (Амнияти иқтисодӣ)
13 6D051200 (6D051201) Омор (Омор)

ҚОИДАҲОИ ҚАБУЛ БА ДОКТОРАНТУРА PhD, ДОКТОР АЗ РӮЙИ ИХТИСОС ДАР МУАССИСАИ ДАВЛАТИИ “ИНСТИТУТИ ИЛМӢ-ТАҲҚИҚОТИИ САЙЁҲӢ ВА СОҲИБКОРӢ”-И “ДОНИШГОҲИ БАЙНАЛМИЛАЛИИ САЙЁҲӢ ВА СОҲИБКОРИИ ТОҶИКИСТОН"

Ба докторантура-доктори фалсафа (PhD), доктор аз рӯйи ихтисос дар шакли таҳсили рӯзона ва ғоибона (фосилавӣ) довталабоне қабул карда мешаванд:
– дараҷаи академии магистр доранд;
– яке аз забонҳои хориҷӣ (англисӣ, немисӣ, франсузӣ, чинӣ ва ғайра)-ро медонанд. Бо ин мақсад довталабони докторантура дар баробари имтиҳонҳои дохилшавӣ аз ихтисос, ҳамчунин аз як забони хориҷӣ имтиҳони дохилшавӣ месупоранд.
Шаҳрвандони хориҷие, ки ба докторантураи Ph.D, доктор аз рӯйи ихтисос дохил мешаванд, иловатан аз фанни забони тоҷикӣ имтиҳони дохилшавӣ месупоранд.
Имтиҳони дохилшавӣ аз рӯйи як забони хориҷӣ дар ҳаҷми барномае, ки барои хатмкунандагони муассисаҳои таҳсилоти олии касбии Ҷумҳурии Тоҷикистон (дараҷаи магистратура) муайян карда шудааст, гузаронида мешавад. Имтиҳон аз рӯйи фанҳои махсус дар ҳаҷми барномаи таҳсилоти олии касбӣ (дараҷаи магистратура) дар шакли хаттӣ, шифоҳӣ ва ё тестӣ гузаронида мешавад.
Шаҳрвандони хориҷӣ ба докторантураи PhD, доктор аз рӯйи ихтисос дар Муассисаи давлатии “Институти илмӣ-таҳқиқотии сайёҳӣ ва соҳибкорӣ”-и “Донишгоҳи байналмилалии сайёҳӣ ва соҳибкории Тоҷикистон" ба таври шартномавӣ қабул карда мешаванд.
Таҳсил дар докторантураи PhD, доктор аз рӯйи ихтисос, барои шаҳрвандони Ҷумҳурии Тоҷикистон ва шаҳрвандони хориҷӣ дар шакли рӯзона ва ғоибона (фосилавӣ) сурат мегирад. Тартиби қабул ба докторантура PhD, доктор аз рӯйи ихтисос барои шаҳрвандони Ҷумҳурии Тоҷикистон ба тариқи буҷавӣ ва шартномавӣ муайян карда мешавад.
Шахсоне, ки таҳсилоти олии касбии «мутахассис» (ба ғайр аз ихтисосҳои тиббии клиникӣ) доранд, танҳо баъди хатми магистратура ба докторантура PhD, доктор аз рӯйи ихтисос қабул карда мешаванд
Муддати таҳсил дар докторантура PhD, доктор аз рӯйи ихтисос 3 сол мебошад.

НОМГӮИ ҲУҶҶАТҲОЕ, КИ БАРОИ ДОХИЛШАВӢ БА ДОКТОРАНТУРА АЗ РӮЙИ ИХТИСОС ПЕШНИҲОД МЕШАВАНД:
– ариза ба номи директори Муассисаи давлатии “Институти илмӣ-таҳқиқотии сайёҳӣ ва соҳибкорӣ” (ихтисос ва рақами телефон нишон дода шавад);
– нусхаи шиноснома;
– анкетаи дохилшаванда ба докторантура;
– нусхаи нотариалӣ тасдиқкардашудаи дипломҳои таҳсилоти олӣ ва
баъдидипломӣ ва замимаҳои он (дипломи бакалавр ва магистр);
– варақаи шахсии баҳисобгирии кадрҳо;
– нусхаи дафтарчаи меҳнатӣ, ки аз тарафи шуъбаи кадрҳо тасдиқ
карда шудааст (ҳангоми доштани собиқаи корӣ);
– сертификати супурдани имтиҳонҳои иловагӣ аз забони хориҷӣ (дар сурати мавҷуд будан);
– мактубҳои тавсиявӣ (дар сурати мавҷуд будан бо тасдиқи муҳри ташкилот);
– рӯйхати чопи мақолаҳои илмӣ ва корҳои таълимӣ-методӣ (дар
ҳолати надоштан пешниҳод намудани реферат аз рӯи ихтисос бо
тақризи на камтар аз 25-30 саҳифаи чопӣ);
– асосномаи таҳқиқоти диссертатсионии банақшагирифташуда дар
мувофиқа бо мушовири илмии ватанӣ ё хориҷӣ (тибқи дархости
муассисаҳои таҳсилоти олии касбӣ ва илмӣ);
– маълумотномаи ҷойи истиқомат;
– маълумотномаи тиббии шакли 086-У;
– 6 расми андозаи 3х4
Ҳуҷҷатҳо барои дохилшавӣ ба докторантураи PhD, доктор аз рӯйи ихтисос аз 1 июл то 20 августи соли 2025 қабул карда мешаванд.
Давраи гузаронидани имтиҳонҳои дохилшавӣ ба докторантураи PhD, доктор аз рӯйи ихтисос аз 21 август то 31 августи соли 2025 муайян гардидааст.
Барои маълумоти муфассал тамос гиред: Тел.: 935282862

отметить

пожаловаться